يبدأ تنسيق المرحلة الأولى 2018 مساء اليوم الأحد من المنزل - بالصور شرح طريقة عمل تنسيق ناجح و تجنب استنفاذ الرغبات

 يبدأ تنسيق المرحلة الأولى 2018 مساء اليوم الأحد من المنزل  - بالصور شرح طريقة عمل تنسيق ناجح و تجنب استنفاذ الرغبات 

إن شاء الله يفتح موقع التنسيق لإستقبال طلبات رغبات طلاب المرحلة الأولى و من خبرة مدونة مصر التعليمية لنا عدة ملاحظات هامة
أولاً يجب وضع كليات متوسطة لطلاب المرحلة الأولى لتجنب استنفاذ الرغبات |تجارة وتربية مثلاً"
ثانيًا مراجعات استبعاد الكليات التى تخضع للمريع السكنى للحى الذى تغيش فيه " القبول الإقليمى"وهذه تلقائى لا تدون ضمن رغباتك








👈هتدخل علي موقع

👈هتدخل الرقم السري اللي هتلاقيه في شهاده الثانويه اللي هتجيبها من المدرسة بكرة الأحد 

👈هتدخل رقم البطاقه موجود بردو فشهاده الميلاد لو لسه مطلعتش بطاقه 

👈هتلاقي الموقع عرفك علطول وعرضلك كل بياناتك اسمك ونتيجتك وشعبتك 

👈اتأكد ان البيانات دي كلها صح لو لقيت اي غلطه اتصل بمكتب التنسيق ١٩٤٦٨ 

👈بعدين هتختار ادخال الرغبات 

👈هيفتحلك صفحة علم علي اختيار حسب التخصص 

👈دلوقتي هتلاقيه بيقلك اختار كلية من قايمه عاليمين 

👈هتختار مثلا طب هتلاقيه فقايمه عالشمال جايبلك كل كليات طب فمصر 

👈اختار مثلا هندسة. هتلاقي كل كليات هندسة فمصر 

👈وبالمثل فكل الكليات كدا 

👈دلوقتي انت مطلوب منك تكتب ٦٠ كلية نفسك تدخلهم بالترتيب بس اي كلية لازم تبدأ بكليات القطاع أ اللي هي اقرب حاجه ليك. بعدين ب ابعد شويه. بعدين ج كلهم بعاد عنك نفس البعد مكتوب كل حرف جنب الكلية فالقايمه اللي عالشمال 

مثلا انا نفسي ادخل طب هكتب اول حاجه كليات الطب اللي في أ غالبا هي واحده بس اللي فبلدك بعدين كليات الطب اللي في ب غالبا اتنين. بعدين باقي كليات الطب اللي في ج هكتبهم بالترتيب اللي انا نفسي ادخلهم بيه 

مثلا انا من قنا هكتب ازاي؟ 

أ
طب قنا
طب اسوان
ب
طب اسيوط
طب سوهاج
طب المنيا
ج
طب عين شمس 
طب القاهره 

الخ باقي كليات الطب كلها فمصر 

ممكن اكتب سوهاج قبل اسيوط بس مش ممكن اكتب حاجه من ب جوا أ ولا حاجه من ج جوا ب لازم بالترتيب 

دولا حوالي حاجه وعشرين رغبه باقي لسه كتير لحد ما نوصل ٦٠ 

اكتب بقي كليات الاسنان كلها بالترتيب. 
كليات الصيدله كلها. 
لو في مكان اكتب علوم . لازم تعبي ال ٦٠ خانه كلهم 

بعد ما تخلص الموقع هيمسك اعلي واحد فالمجموع فشعبتك هيشوف يقدر يدخله الرغبه الأولي؟ لو اه هيدخل ويتحسب مكان اتعبي فالكلية دي. 

هيمسك بعد كدا تاني اعلي واحد فالمجموع. هيشوف الرغبه الاولي عنده لسه فيها مكان؟ لو لأ مش هيدخله هيشوف الرغبه رقم ٢ عنده لو لسه فيه مكان هيدخله وهكذا لحد ما يخلص كل الناس اللي فالمرحله دي 

فانت اكتب بالترتيب اللي نفسك فيه. 

ممكن مثلا طب اول رغبه فبلدك بعدين اسنان فبلدك بعدين صيدله فبلدك بعدين طب فكل المحافظات بعدين اسنان فكل المحافظات الخ 

ده واحد مش عايز يتغرب. هو حر 

👈اهم حاجه الترتيب. 

👈تاني اهم حاجه تخلي عندك منطق. متبقاش جايب ٩٦ وتكتبي اول ٢٠ رغبه طب بشري. كدا انت ضيعت ٢٠ مكان عندك عالفاضي لان طب عمره ما هينزل للمجموع ده. فانت ابدأ بذكاء ابدأ من صيدله مثلا 

ليه بقلك كدا؟ لان الواحد ممكن يكتب ٦٠ رغبه. وكلهم اعلي من مجموعه مش هيدخل اي واحده فيهم وكدا هيكون استنفاذ رغبات وكدا هتضيع عليه اماكن كانت فاضيه فبعض الكليات واتاخدت لانه هينسق تاني مع المرحله الللي بعده
بالتوفيق للشباب والصبايا 

ليست هناك تعليقات:

يتم التشغيل بواسطة Blogger.