منح الجامعات دفعة ثانوية 2019.." مصر الخير "



منح الجامعات دفعة ثانوية 2019.." مصر الخير "


الموجود دلوقتي 
1) منحة مؤسسة مصر الخير 2020 ودي بتوفر منحة كاملة ف اكتر من جامعة خاصة او حكومية كريديت

تعلن مؤسسة #مصر_الخير عن توفير عدد من المنح الدراسية للمرحلة الجامعية لخريجي الثانوية العامة ومدارس المتفوقين للعلوم والتكنولوجيا STEM على مستوي الجمهورية للالتحاق بجامعات مرموقة للحصول علي شهادة البكالوريوس في مجالات مختلفة.

للتقديم وتحميل كل المستندات المطلوبة برجاء زيارة اللينك التالى:

اخر ميعاد لملىء استمارات التقديم 25 يوليو 2019

لمعرفة المزيد: https://misrelkheir.org/stem-scholarship/

2) منحة جامعة النيل 2020 ،الجامعة نفسها بتوفر منح من خلال مؤسسات تانية زي البنك الأهلي وبيكون الاختيار ليها علي اساس تقييمك ف الانترڤيو اللي هتدخله.

Apply now for Nile University’s undergraduate scholarships for the Academic Year 2019-2020 at https://forms.gle/QPNBjg2AQEXXHPAy9

Application Process:
Fill Scholarship Application Form
Deadline for application and submission of required admission documents is 1 August 2019. New or incomplete applications will NOT be considered beyond this date.
Short-listed candidates fulfilling the REQUIRED criteria will be invited for interviews with NU scholarship committee starting 20 August 2019
Interviewed applicants could be invited for a second interview with the funding institute for final selection.


Selection criteria is according to student’s scores on the following measures with different weights for each factor:

High School Score (different weights are attributed according to the type of high school certificate)
Financial Need
Extra Achievements or awards
Interview (attitude, commitment to the scholarship, etc…)

3) منحة الجامعة اليابانية 2020
بتقدم عادي والجامعة بتختار اعلي طلاب درجاتهم ف امتحانات القبول والانترڤيو اللي الجامعة بتعملهم. 

*طبعاً اللي فاتوا لازم يكون مجموعك يساوي الحد الأدني للقبول علشان تقدم وتدخل الاختبارات او الانترڤيو
4) منح الجامعات الخاصة زي جامعة مصر و6 اكتوبر والنهضة وفاروس ووو 
دي بتكون مختلفة شوية انها بتختار علي اساس مجموع الثانوية العامة وانه يكون اعلي م الحد الادني ف الجامعة نفسها يعني مثلا لو صيدلة بتاخد من 90% لازم تكون اعلي من كدا حسب العدد اللي هيقدم والتقديم بيكون ف الجامعة نفسها بعد ظهور النتيجة.
المنح الدراسية في الجامعات الخاصة المصرية :-
عندنا في مصر جامعات خاصة كتير جدا والاسعار السنة دي فيها نسبة زيادة رهيبة عن كل سنة يعني رقمها اكبر من رقم الجلوس بتاعك شخصيا وهتلاقي الأسعار في الصور تحت والجامعات دي برضو تعليمها كويس جدا الجامعات دي بتقدم منح للطلاب المتفوقين في الثانوية العامة واللي وقفت معاهم الكليات اللي عايزينها علي حاجات بسيطة وكمان علي حسب الحالة المادية والاحتياج.
--------------------------------------------------------------------------
مواعيد الاعلان عن المنح :-
المنح دي بيبدأ الاعلان عنها من اول شهر 8 وتختلف من جامعة لجامعة في اي وقت من الشهر وبتعرف بيها يا اما عن طريق صفحات الجامعات علي الفيسبوك او وسائل التواصل الجتامعي التانية او انك تروح تسأل في الجامعات وتتأكد من التفاصيل بالظبط
--------------------------------------------------------------------------
ايه الجامعات اللي بتقدم المنح:-
1- جامعة مصر للعلوم والتكنولوجيا MUST
2- جامعة 6 اكتوبر O6U
3- جامعة الحديثة للتكنولوجيا والمعلومات MTI
4- جامعة مصر الدولية MIU
5- جامعة النهضة في بني سويف
6- الجامعة الروسية في مدينة بدر
7- جامعة حورس بدمياط الجديدة
8- جامعة بدر في القاهرة
9- جامعة دراية في المنيا
10- جامعة فاروس في اسكندرية
(ممكن جامعات تانية تنزل منح الله اعلم احنا في الانتظار)
--------------------------------------------------------------------------
الشروط والأهلية :-
1- خريج مدرسة حكومية مصرية يعني ده مش متاح للمعادلات 
2- لازم تكون مصري ابن مصري ابن مصرية 
3- متخرج من الثانوية العامة في نفس السنة اللي هتقدم فيها يعني السنة دي 2019 يبقي لازم تكون مخلص ثانوي في السنة دي مش سنة قبل كدة
4- بالنسبة للمجموع ان تكون معدي ال90 % او هتلاقي ان في جامعات ليها الحد الادني والتنسيق الداخلي بتاعها يعني مثلا لو انت هتقدم صيدلة والتنسيق الداخلي في الجامعة دي ان الحد الأدني لصيدلة 96 يبقي لازم تكون جايب الحد الأدني ده ولو كتر يبقي كويس وده زي اللي في جامعة مصر ممكن تكون كل الجامعات كدة وكلهلم ليهم تنسيق داخلي المهم تكون جايب مجموع عالي ان شاء الله
5- شرط مهم جدا انك تكون مقدمتش يعني مملتش الابلكيشن بتاع الجامعة يعني مروحتش الجامعة وومليت ابلكيشن عشان تقدم
(شروط عامة في كل الجامعات ممكن يكون في جامعة ليها شروط تانية بس الحاجات دي تقريبا ثابتة في الكل)
--------------------------------------------------------------------------
النستندات المطلوبة :-
1- شهادة الثانوية العامة بتاعتك اللي اخدتها السنة دي من المدرسة وكمان بيان الدرجات وده بتجيبه من الادارة التعليمية اللي انت تابع ليها وبيسألك عن الجهة اللي هو موجهة ليها فلو كذا جامعة مضطر تجيب اكتر من واحد وتمنه 20 جنية تقريبا.
2- محتاج تجيب مفردات مرتب السيد الوالد ملكش انت دعوة قوله هو وخليه يتصرف وبرضو محتاج اكتر من واحد لو هتقدم في اكتر من جامعة.
3- محتاج تعمل بحث اجتماعي ويكون الجهة الموجهة لها الجامعة اللي هتقدم فيها يعني لو هتقدم في كذا جامعة يبقي تعمل بحث اجتماعي لكل جامعة وده بيتعمل في مجلس المدينة او المجلس المحلي في البلد عندكم تقريبا المهم ايا كان قول لبابا وهو هيعمله برضو.
4- محتاج انك تجيب اثبات قيد من المدرسة بتاعتك وكمان تجيب اثباتات قيد لاخواتك لو هم في التعليم برضو. وعلفكرة من الشروط برضو اللي نسيتها انه مش يكون ليك اخوات في جامعات خاصة
5- محتاج يا سيدي انك تجيب تجيب صور بطايق البيت كله انت وبابا وماما وناهد وكل اخواتك ولو مش معاه بطايق يبقي تجيب شهادات الميلاد .
(مستندات عامة في كل الجامعات ممكن يكون في جامعة ليها مستندات تانية بس الحاجات دي تقريبا ثابتة في الكل)
--------------------------------------------------------------------------
مميزات المنح دي :-
1- مقعد دراسي مجاني
2- بتدفع ثمن الكتب 
3- بتدفع بس تأمين علي المعامل بيختلف تنمه من جامعة لجامعة
--------------------------------------------------------------------------
شروط استمرارية المنحة :-
1- انك تكون جايب تقدير جيد كحد ادني كل سنة ممكن ده يختلف من جامعة لجامعة فلازم تسأل وتتأكد برضو
---------------------------- 
+لو في أي حاجة جديدة هضيفها بإذن الله..

هناك 31 تعليقًا:

  1. طب لو تجارة انجلش الحد الادني كام وفي منحة ولا لا

    ردحذف
  2. طب إذا مليت ابليكيشن عن طريق النت

    ردحذف
  3. طب إذا مليت ابليكيشن علي النت كدا أكون قدمت ف الجامعه ومقبلش ف المنحه ?

    ردحذف
  4. طب إذا مليت ابليكيشن علي النت كدا أكون قدمت ف الجامعه ومقبلش ف المنحه ؟

    ردحذف
  5. طب لو انا جايبه مجموع كويس 96.7 وعايزه ادخل صيدله نظام المصاريف بيبقا ايه يعني بدفع زيي زي الي مقدم ف جامعه خاصه ولا بس مصاريف الكتب زي مامكتوب ..وطريقه التقديم ازاي؟؟

    ردحذف
  6. طب لو انا جايبه مجموع كويس 96.7 وعايزه ادخل صيدله نظام المصاريف بيبقا ايه يعني بدفع زيي زي الي مقدم ف جامعه خاصه ولا بس مصاريف الكتب زي مامكتوب ..وطريقه التقديم ازاي؟؟

    ردحذف
  7. طب لو انا جايبه 96.7 علوم وعايزه ادخل صيدله هل نظام المصاريف بيبقا ايه .يعني بدفع مصاريف الكتب بس زي مامكتوب ولا بدفع كاني هقدم ف جامعه خاصه ؟..ونظام التقديم بيبقا ازاي؟

    ردحذف
  8. طاب لو حد جايب 95% وجايب في الاحياء 57والكيمياء 57 بس الفيزياء 55 ينفع يسجل في منحة مصر الخير

    ردحذف
  9. لو كنت مدرسة خاصة بس مجموعي عالي منفعش للمنحة؟

    ردحذف
  10. ان جايب 94،39 كميا 56،5 فزيت 58 أحيا 51

    ردحذف
  11. طب انا جايبه 95.85
    ينفع اقدم ف المنحه دى ولا لاء

    ردحذف
  12. ابني جايب ٩٢.٤ ينفع يقدم

    ردحذف
  13. بنتى ٩٦%
    ووالدها متوفى ينفع منحة

    ردحذف
  14. هستاذنكو تنزلو لينكات المنح اللي لسه منزلش الابليكيشن بتاعها فور نزولها لتوفير الوقت على طلابنا لان للاسف مؤسسة مصر الخير نزلو الخبر و الابلكيشن قبل ميعاد التقديم بيومين فمحدش لحق يجهز المستندات المطلوبة للتقديم فكدة واضح انها كانت متجهزة لناس معينة بعينها و الاسم مؤسسة خير سبحان الله

    ردحذف
  15. لو حد جايب ٩٦ونص ليه الحق في المنحه يدرس علاج طبيعي او صيدله وترتيبه السادس علي مدرسته

    ردحذف
  16. لو حد جايب ٩٦ونص ليه الحق في المنحه يدرس علاج طبيعي او صيدله وترتيبه السادس علي مدرسته

    ردحذف
  17. لو حد جايب ٩٦ونص ليه الحق في المنحه يدرس علاج طبيعي او صيدله وترتيبه السادس علي مدرسته

    ردحذف
  18. جايبه٩٦ونصف ان شاء الله الحق علاج طبيعى او صيدله

    ردحذف
  19. طب لو جايب 89,5الحق اى منحه

    ردحذف
  20. طيب لو مجبتش التقدير المطلوب

    ردحذف
  21. طيب لو محدش جاب التقدير المطلوب

    ردحذف
  22. مين بيرد على التعليقات دى؟

    ردحذف
  23. طب لوجايب 97يلحق ولا ؟؟

    ردحذف
  24. لو جايب 97يلحق المنحه ولا ايه؟؟

    ردحذف
  25. محمد عبد المولي مختار
    بنتي جايب٩٧لها منحه

    ردحذف
  26. ممكن أسماء الأشخاص التقبلوا في السنه دى

    ردحذف
  27. ابني جايب ٩٣ ممكن يقبل هندسه

    ردحذف
  28. في لسه منح في امكان لجامعات

    ردحذف
  29. النتيجه لسه مظهرتش ارجو الرد

    ردحذف
  30. عاوز اعرف جامعة اكتوبر هتفتح امتي للمنح المجانية

    ردحذف
  31. متي سوف تظهر اسماء المرشحين لمنحة مصر الخير لطلاب الثانوية العامة ٢٠١٩

    ردحذف

يتم التشغيل بواسطة Blogger.