الآن موقع التنسيق مفتوح لتسجيل رغبات طلاب المرحلة الأولى ثانوية عامة 2019



الآن موقع التنسيق مفتوح لتسجيل رغبات طلاب المرحلة الأولى ثانوية عامة 2019 






ينقسم التنسيق الى 3 مراحل ما يتم في المرحله الواحده يتم في الثلاث مراحل يتم تقسيم الطلاب الى مراحل حسب المجموع مثلا علمي علوم يبقي مرحله اولى لحد 95.8 ورياضه يبقي مثلا 91 وادبي 80 وتنتهي المرحله وكل واحد يسجل رغباته بعدها بتنتظر نتيجه التنسيق وتشوف انت اتقبلت ف كليه ايه يعني انا هكتب الرغبات من غير ما اعرف التنسيق هيكون من كام ؟ ايوة بالظبط كده خد تنسيقات السنين اللى فاتت مرجع لك وانت بتكتب بس نقص او زود عنهم درجتين تلاته كمان لان التنسيق مش هيجي زيه بالظبط وتطلع النتيجه وتبدأ المرحله اللى بعدها بنفس التسلسل اللى هنحكيه 
----------------






مطلوب منك اول حاجه انك تكون سحبت ملفك من المدرسه
داخل الملف فيه شهاده الثانويه العامه فيها الرقم السري الخاص بك (لو حد عرفه يلعب ف رغباتك) خليه سري جدا
معاك دلوقتي الرقم السري
الخطوات كالتالى

• ادخل على الموقع ده http://www.tansik.egypt.gov.eg/application/
• خدمات تنسيق الثانويه العامه لطلاب الثانويه وخدمات الثانويه الازهريه والفنيه حسب انت ثانوي ايه
• اضغط على تسجيل الرغبات
• هيجيلك الصفحه زي♣ الصورة رقم 1
هتكتب رقم جلوسك والرقمم السري من شهاده النجاح والرقم التاكيدي ف الصورة
• هيفتح معاك صفحه فيها بياناتك هتتاكد ان البيانات صحيحه وان مجموعك صحيح
تضغط على الخطوه التاليه ( ♣الصورة رقم 2 )
• ·تظهر لك شاشة اختيار وتعديل الرغبات (تحتوي علي 75 خانة للاختيارات)، قم بإدخال رغباتك بالترتيب الذي تراه مناسب مع ضرورة مراعاة القواعد الآتية: (♣صورة رقم3)
◘ هتلاقي في اختيارين الاختيار بالتخصص وده معناه ايه
ده معناه انك هتختار منه وليكن اخترت التخصص كليه هندسه هيجيب لك كل كليات الهندسه في مصر تختار اللى انت عاوزه منها (♣صورة رقم 4)
.. طيب وانا اختار اي حاجه ؟؟ لا مش هتختار اي حاجه هتختار مع مراعاه قواعد التوزيع الجغرافي
هيظهر لك قصاد كلمه التخصص مربع بتختار منه الجامعات هتلاقي جامعات مكتوب جنبها حرف (أ) ده معناها انك لازم تكتبها اول حاجه طب لو عندي اكتر من جامعه عليهم ( أ ) اكتب مين فيهم الاول .. رتب ( أ) زي ما تحب حط اي واحده قبل التانيه المهم تخلصهم قبل ما تبدأ تكتب اللى عليهم (ب)
بعد كده تكتب الجامعات رقم (ب) بردو رتب الجامعات اللى عليهم ( ب ) زي ما تحب المهم تخلصهم قبل ما تبدأ تكتب اللى عليهم ( ج ) ثم باقي الجامعات رتبهم زي ما تحب.. خلصت التخصص اللى انت كنت مختاره ؟ وصلت الرغبه مثلا 25 تدخل على تخصص تاني بنفس القواعد دي وهكذا لحد ما تخلص 75 رغبه
♠ طب افرض اخترت الاختيار بالجامعه مش بالتخصص
عاوز ادخل كليه في جامعه كزا وبس يعني لو مش هجيب طب المنصورة مثلا ادخل حقوق المنصورة مطلعش برا المنصورة
هيجيلك (♣الصورة رقم 5) جامعات عليهم (أ) و(ب) وجامعات معلهاش
هتفتح الجامعه رقم (أ) هتلاقي جواها كل الكليات اللى ف الجامعه لو عاوز تختار كليه واحده من كل حاجه يعني ال60 رغبه بتوعك يبقي مثلا هندسه المنصورة حاسبات المنصورة تجارة المنصورة اداب المنصورة تربيه المنصورة الخ يعني من جامعه المنصورة فقط ده مثال بوضح لك

• طب افرض وانت بتكتب مخترتش الاول اللى عليهم (أ) و (ب) هتلاقي الموقع عملك قصادها توزيع جغرافي بالاحمر معناها انك تنزلها تحت في حاجات قبلها هتلاقي عندك اسهم عشان تطلع وتنزل بها (♣صورة6)
كما يلاحظ إنه في جميع الحالات سيقوم النظام بتنبيه الطالب في حالة عمل أي أخطاء وخصوصا في التوزيع الجغرافي المتدرج ويمكن للطالب تحريك الرغبات إلى أسفل أو أعلى باستخدام الأسهم الجانبية ↑↓ أو حتى إلغاء الرغبة بالضغط على x
•بعد ما تخلص ال 75 رغبه هتضغط على الخطوه التاليه وهتكتب رقمك القومي في المكان المطلوب
بعد كده هيجيب لك زي (♣الصورة 7)
هيطلب منك شويه بيانات تدخلها وبعدين تضغط على تسجيل
هيظهر لك ♣(الصورة رقم 😎 كده يبقي انت سجلت رغباتك بنجاح
تقدر تدخل ع الموقع كزا مرة تعدل فيهم لحد ما يقفل بنفس الخطوات

هوه انا لازم اطبع الرغبات بعد ما اكتبها ؟
- لا غير مطلوب طباعه الرغبات فقط احتفظ برقم التسجبل اللى هيطلع لك ف الاخر

اي اسئله ؟؟

سيتم إبلاغك بنتيجة ترشيحك فور إعلانها رسميا وذلك بإحدى الطرق التالية:

·عن طريق الدخول على الموقع وإدخال رقم جلوسك فيظهر لك على الموقع الكلية / المعهد الذي رشحت له ويمكنك طباعة بطاقة الترشيح من النظام واستخدامها لتسليم أوراقك بالكلية أو المعهد (حيث لن يتم إرسال البطاقة بالبريد) مع العلم أن بطاقة الترشيح مجرد إخطار ولا تمثل مستند رسمي.

·النتائج ستكون متاحة علي نفس الموقع الذي قمت بتقديم رغباتك عليه.

◘◘◘◘◘◘ نقاط هامه
رتب الكليات زي ما تحب لكن مش معني انك كتبتها انها هتيجي لك
هيمشي بالترتيب لو مجموعك جاب رقم 1 اوك مجبهاش يشوف هل يجيب رقم 2 مجبهاش يشوف هل جاب رقم 3 هكذا لحد رقم75 هتدخل اول كليه مجموعك يجيبها حسب ما انت مرتب ترتيبك معناه اولويه يعني بتقوله لو مش رقم 1 هات لى 2 لو مش 2 هات لى 3 وهكذا 
رتب الجامعات كويس متاخدش بالترتيب اللى الموقع عامله الناس اللى من وجه بحري يكون ترتيب الجامعات الاخيرررررررره
الفيوم ثم بني سويف ثم المنيا ثم اسيوط ثم سوهاج ثم قنا ثم الوادي ثم الاقصر ثم اسوان اي جامعه تانيه تكون كاتبها قبل دول
مع بدء كل مرحله هنحط شويه نوت تحت ف نهايه البوست تناسب المرحله 
ملاحظات مرحله 1 انتظروها

انت هتكتب 75 رغبه ف الرغبات بتاعتك

◘ انت لو مجموعك فوق ال402 ممكن تبدأ رغباتك بالترتيب التالى

حط كل كليات الطب في مصر بس رتبهم من الاقرب للابعد متحطش بالبركه هتلاقيهم 20 كلية
بعد كده حط 13 كليه اسنان بردو من الاقرب للابعد
بعد كده حط 19 كلية صيدله
بعدهم 4 علاج طبيعي مممكن السنه دي يزيدو واحده كمان لسه هنعرف
دول اساسي هيجلك منهم كده بنتكلم في 56 رغبه اتكتبو كمل الباقي بيطري او علوم حسب ميولك او اي كليه تانيه بردو اكتبها في كل مكان

◘ طيب لو مجموعك اقل من 402
يبقي مش هتكتب طب بشري خالص لان مستحيل تجيلك متكتبش حاجه تضيع لك رغباتك لان في حاجه اسمها استنفاد رغبات يعني ايه ممكن كل اللى تكتبه مجموعك ميجبش منه اي حاجه ويرحلك ع المرحله اللى بعدها ترجع تكتب من جديد رغبات ويبقي كل زمايلك عرفو كلياتهم وانت لا
ف انت هتكتب من اول اسنان وصيدله وعلاج و 18 كليه بيطري وكمل حسب ميولك
خلى بالك متحطش اي حاجه وخلاص ممكن يجيلك رقم 70 متقولش ههتهم باول 10 واحط اي كلام هتلبس لازم تبقي عارف بترتب ازاى

◘◘ بالنسبة لعلمي رياضه
رص كل كليات الهندسه متسيبش ولا واحده منهم رصهم حسب الاقرب لك من اول واحده لاخر واحده
متعرفش مين اقرب اسال حد كبير او هات خريطه مصر وشوف

◘◘ بالنسبه لادبي عندك الكليات
السياسة والاقتصاد4
الاعلام 4
الالسن8
الاثار 9
انت لو عاوز تجاره يبقي اكتب كل التجاره اللى في مصر كلها ورا بعض متسيبش ولا واحده وبعدها تكتب كل تجارات انتساب وراها
ممنوع انك تكتب تجاره مثلا القاهره وبعدها حقوق القاهره وترجع تكمل تجاره عين شمس تجاره .. انت كده هتلبس ف حقوق لان التنسيق بيمشي بالدور اول واحده ف الترتيب على اد مجموعك بتلبسها

◘◘ اه وملحوظه لو نسيت تكتب كليه واتضح ان مجموعك جايبها بس انت نسيتها في خلاص مينفعش تدخلها لان الرغبات هي مرة واحده بس
واحد يقولى طب هحولها اقولك التحويل بيكون لكليه في محافظتك فقط يعني الكليه دي لو محافظتك اوك انما اللى نسيت تكتبها دي محافظه غير محافظتك ف انسي خلاص اتاكد انك كاتب كله

----------

بناء على ال75 رغبه اللى انت كتبتهم
التنسيق هيمشي يشوفهم بالدور يعني جايب رقم 1 تدخلها مش جايبها يشوف الى بعدها مش جايب اللى بعدها يشوف الى بعدها حسب الترتيب اللى انت كاتبه هيوقف عند اول واحده مجموعك يجبها و هيطلع لك النتيجه ف بطاقه ترشيح انك كليه كزا قبلتك هتطبعها وتخليها معاك عشان التقديم
لان ف ناس سالتني هوه هيجي لنا 5 كليات ونختار منهم ؟ او هيجي لى اكتر من كليه وانا اختار ؟
لا هي اول واحده مجموعك يجيبها حسب الترتيب الى انت عامله
◘◘◘◘

محدش يقول مش عاوز اكتب الاقاليم لان لو مكتبهاش ومجموعك وبعد التنسيق اتضح ان مجموعك جايبها (( مستحيل تحويل برا محافظتك اللهم بلغت ))
اما لو جالك كليه برا محافظتك ممكن تحول لمحافظتك حسب الكليه بتحدد عدد معين يحول ممكن تبقي منهم وممكن تحويلك ميتقبلش عادي هنتكلم عن التحويلات ف بوست مستقل

ومعاك صورة خريطه عشان تعرف الجامعات الاقرب لك وانت بترتب

اكتب الكليه الواحد بكل محافظتها ورا بعض علشان متقعش في مشاكل الناس بتوع السنين اللى فاتت (((((((((((( تاني اكتب الكليه بكل محافظتها قبل ما تدخل ع الكليه اللى بعدها ))))) اللهم بلغت

ليست هناك تعليقات:

يتم التشغيل بواسطة Blogger.