خطوات سداد الرسوم لأبناء المعلمين الصحيحة للحصول على الخصم المستحق



خطوات سداد الرسوم لأبناء المعلمين الصحيحة للحصول على الخصم المستحق

خطوات سدد الرسوم المدرسية خاصة أبناء العاملين بالتربية والتعليم للعام ٢٠١٩/ ٢٠٢٠م
***** ****** *******
#لازم وجود الرقم القومي الخاص بالتلميذ مكون من ١٤ رقم فى شهادة ميلاد التلميذ من أعلي الشهادة .
#راح ولي الامر البريد وقالوا له ان الرقم القومي غير مسجل ؟
#اذهب للمدرسة واطلب مدير المدرسة او مسئول الحكومة الالكترونية تسجيل التلميذ علي موقع الوزارة في بيانات التلميذ حتي يتثني لك الدفع في البريد .
#أعمل ايه ابني من أبناء العاملين بالتربية والتعليم ؟
#حضرتك هتجيب طلب بتخفيض الرسوم لابناء العاملين موجود في كل مدرسة عند شئون العاملين حسب القرار الوزارة ١٩٣ الصادر في ١٠/ ٩/ ٢٠١٩م وتختمه من المدرسةو يعتمد بختم النسر من الادارة التعليمية وتجيب صورة البطاقة وتذهب بيهم للمدرسة اولا
#المهم هتروح البريد هيقولك ان ابنك عليه مثلا لو في ابتدائي ١٦٠ ج تقوله ابني من ابناء العاملين يقولك مليش دعوه نازل علي السيستم كدا
#تعمل ايه قبل ما تروح البريد ؟
#بعد ما تجيب طلب الافاده بتاع الخصم تروح لمسئول الحكومة الالكترونية بالمدرسة و يعلم علي اسم ابنك من موقع الوزارة بيانات التلميذ من ابناء العاملين وبكده هيظهر في البريد المبلغ بعد الخصم وهو ٨٩.٠٠ جنية .
#تبعت اصل الايصال وصورتين لمسئول المالي بالمدرسة وتاخد صورة ليك معتمدة صورة طبق الاصل من المدرسة .
#والمسئول المالي يعمل كشف مسلسل -اسم التلميذ - الصف الدراسي -رقم الايصال -تاريخ الايصال في كشف
#التلاميذ اللي هيسددوا الرسوم المقررة بقوانين لازم يجيبوا بحث من التأمينات الاجتماعية وتروح بيه المدرسة ويعملوا ذي ابناء العاملين بالضبط لازم المسئول الحكومة الالكترونية يعلم عليه في خانه بحث علشان يظهر مبلغ الرسوم المقررة بقوانين بس وهي حوالي ١٨.٠٠ جنية لمرحلة ابتدائي ورياض الاطفال و٢٠.٠٠ لمرحلة اعدادي .

هناك 21 تعليقًا:

  1. مافيش اى شىء على سيستم المدرسة فى الحكومه الالكترونيه غير اسم ولى الامر فقط مافيش المهنة لولى الامر

    ردحذف
  2. عملية معقدة قد تستهلك الخصم وزيادة
    بلاها خصومات

    ردحذف
  3. طيب من قام بالدفع ... كيف يسترد مبلغ الخصم .... والا الى فات مات خلاص.مفيش استرداد.

    ردحذف
  4. انا كمعلم اسهل عليه الدفع من المذلة والاهانة المتناهية دية والتعامل مع الموظفين هنا وهناك ...
    نحن أولي من غيرنا بالاعفاء واختيار التعليم المناسب لاولادنا لأننا نخن من علمنا مل هؤلاء ...لنا الله

    ردحذف
  5. حاولت الدخول على السيستم وعلى بيانات الطالب ولكن غير متاح خيار ابناء العاملين.

    ردحذف
  6. ليه دايما مصعبين الأمر على المعلم المفروض مكتوب فى بطاقته معلم تكفى لوابن حد تعانى مسؤل كانت عدت بدون اى بينات رحمه بالمعلم وابناءه خلولهم كرامه افضل من كده

    ردحذف
  7. يعنى الخصم اللى حيتوفر من ابناء العاملين حندفعه مواصلات رايح جاى ومجهود كمان

    ردحذف
  8. انا مسئول حكومه الكترونيه مفيش الكلام اللي انتم كاتبينه ده علي السيستم تحروا الدقه في النشر

    ردحذف
    الردود
    1. في كلمة بحث لكن الاختيار غير نشط

      حذف
  9. طيب يا استاذنا انا قدمت لابنى فى المدرسة التجريبية
    كى جى 1 الرسوم 1400 جنيه قالى ليك خصم فقط 180 جنيه

    ردحذف
  10. الموضوع ليه صعب كده

    ردحذف
  11. طب والمدارس الخاصة هل ابنا العاملين بالتربية والتعليم ليهم خصم

    ردحذف
  12. انتوا هتجننونا انا مسئول حكومه الكترونيه ومفيش حاجه من الكلام ده وولي الأمر هيشيلنا المسئوليه

    ردحذف
  13. المدارس الخاصه لاتعترف بالخصم لانهم بيوردوا للوزاره لا ميزه لاى مدرس

    ردحذف
  14. لا يوجد أى حاجه من الكلام ده مفيش حاجه لاختيار عمل ولى الأمر الموضوع ده عايز من الوزارة نفسها تعديل فى بيانات التلميذ علشان ولى الأمر العاملين فى التربية والتعليم يستفيدوا من خصم ولى العاملين بالتربية والتعليم وأصحاب الأبحاث والله الموفق و المستعان

    ردحذف
  15. هما أبناء المعلمين العاملين بالقطاع الخاص يطبق عليهم الخصم

    ردحذف
  16. ياريت تيسروا الامر على المعلم بقا كفاية ذل للمعلم عيب اووي كدة ولو سمحتوا كفاية استهانه بالمعلم بقا ده لو كان تبع جهة تانيه كان زمانه تعظيم سلام وخلاص وبعدين مفيش حاجه موجودة على الموقع

    ردحذف
  17. طب وأبناء المعلمين في الازهر

    ردحذف
  18. وأبناء معلمي الازهر

    ردحذف
  19. عايزين نعرف الخصم كام على التجريبى المتميز

    ردحذف

يتم التشغيل بواسطة Blogger.