للأمهات - كيفية تنظيم وقت أولادنا بعد يوم دراسي

للأمهات - كيفية تنظيم وقت أولادنا بعد يوم دراسي


💥 صباح النشاط على أحلي أمهات 🌿

البوم سوف نتكلم عن إزاي ننظم وقت أولادنا بعد يوم دراسي

▪- حاولي تكوني خلصتي تحضير الغدا قبل ما يوصلو البيت.
والبيت يكون مترتب لأنه بيدي راحه نفسيه سواء للكبير او الصغير.


▪- سيبيهم يرتاحو شويه من مجهود المدرسه بس ف رأيي بلاش ينامو بالنهار عشان ينامو ع الساعه 9 بالليل و يكون ده ميعاد نومهم الثابت.

▪- اسأليهم عملتو أيه ف المدرسه طول اليوم عشان ميجيش وقت المذاكره يقعدو يقولو ماما ده حصل كذا و كذا .

▪- لو بياخدو دروس بلاش يكون بعد المدرسه ع طول عشان يعرفو يركزو ويستفيدو.

▪- خلاص أكلو و شربو و أرتاحو وجاء وقت المذاكره وخلاص مفيش حجج تانيه .

⬇ - وقت المذاكره:-
▪- ياريت بلاش تليفزيون مفتوح و دوشه و ناس قاعده بتتكلم أكيد الولاد مش هيركزو .

▪- ظبطي مكان مريح و عوديهم يكتبو ع مكتب او طرابيزه بلاش السرير و الأرض عشان الخط يبقى مظبوط..

▪- بيعملو الواجب و كتبو بخط وحش امسحي الواجب و يتعاد عشان يتعودو أنهم يتقنون اللي بيعمله و تقوليلهم :-
أن رسولنا الكريم اللهم صل وسلم و زد و بارك عليه قال فيما معناه إن الله يحب إذا عمل أحدكم عملا أن يتقنه .

▪- بلاش تعيشي دور مرات الأب و تضربي ف الولاد عشان مفهموش اللي بتشرحيه

▪- مفهموش مش مشكله عيدي مفهموش تاني يبقى انت مش عارفه توصلي المعلومه و شوفي طريقه تانيه وصليها بيها.

▪- لو مفهموش بردو خليه يقومو من المذاكره ياخدو راحه خمس دقايق .

▪- ذاكري لهم اي ماده تانيه و أرجعي للماده اللي مش فاهمنها و اشرحيها تاني.
بس بالله عليكم بلاش عصبيه ف المذاكره
وبلاش يا غبي و يا حمار و الكلام ده لانك كده بتقنعيه انه غبي مره ع مره هيصدقك و يستسلم و يبقى غبي بجد .

▪- لو ابنك بيتحرك كتير خليه يذاكر ع مكتب و وشه ف الحيطه مفيش شباك ولا صور ولا تكون الحيطه مليانه الوان كتير يعني متخليش حاجه تجذب انتباهه.

▪اللي بتذاكريه مع ابنك خليه هو يشرحه لك أديله ثقه ف نفسه و انه يعتمد عليه يقدر يفهمك الدرس .
أديله أي حاجه ف أيده و مثلي معاه أن ف أيده ميكرفون و أنه بيتكلم ف الإذاعه .
خليه يمثل دور المدرس و يسألك و أنت أعملي مش عارفه الحل و تسأليه و خليه هو يجاوب .

▪بين كل ساعه مذاكره اديله عشر دقائق راحه.

▪ابتدي معاه بمذاكره الماده الصعبه بالنسبه له.

▪قولي له أنت شاطر -أحسنت - بارك الله فيك أحضنيه و بوسيه و طبطبي عليه الكلام ده بيفرق مع الأطفال جدا .

▪ياريت لو في خروجه أخر الأسبوع كنوع من التحفيز
خليه يستمتع بوقت مذاكرته معاكي وصليه لدرجه ان هو اللي يطلب مذاكرتك معاه
و سيبي الواد متعلنيش عليه الحرب .

▪أوعي متحفظهوش القرأن داومي ع تحفيظه كل يوم .
علميه القرأن والقرأن هيعلمه كل حاجه .
علقي ب 5 ملصقات ليصلك الجديد من المنشورات المفيدة.


ليست هناك تعليقات:

يتم التشغيل بواسطة Blogger.